Søk i arkivet

RAN Eintype Regatta 2013:God vind gav glade seglarar

Første båt i mål er vinner i RAN Eintype Regatta. Det er alltid et vellykket prinsipp.

Kjell Magnus Økland rapporterer fra årets regatta, som ble avviklet i helgen:

«RAN Eintype Regatta gjekk i år av stabelen for andre gong. To dagar med pølsebanesegling med to kryss og to lens pirrar seglarane i 2,4M, Yngling, Melges og Formula 18.

Nytt i år var einmannsbåtane i 2,4mR-klassen. Sju båtar frå Stavanger, Karmøy, Ålvik og Ålesund samla seg til året siste norgescup for klassen. Denne klassen fekk avvikla 10 løp og vinnaren vart Trond Atle Huth frå Seilforening 1928 i Stavanger. Sidan 2,4mR er ein regelbåt var det på førehand litt diskusjon mellom seglarane i klassen om det var rett å delta på RAN Eintype Regatta.

Arrangøren har eit ope sinn og definerer eintype som banesegling der fyrste båt i mål er vinnar i båttypar med tydelege klassereglar. Konklusjonen mellom 2,4-seglarane var tydeleg på at Hjeltefjorden er ein utmerka møtestad for klassen og Pål Kragseth og Ola Herje, som hadde heile ni timars køyretur frå Ålesund, angra neppe på at dei tok turen.

TETTE STARTER. I det veksande Yngling-miljøet i Askøy Seilforening stilte det òg sju båtar til start. Her vart det avvikla ni løp og startane vart stadig tettare. Tilliks med 2,4mR-klassen hadde Ynglingane ein litt kortare kryss slik at ein fekk alle klassane i mål omtrent utan ventetid. Vinnar i klasse Yngling ble Kon Leaky med skipper Svein Andre Hol.

Regattaen var òg kretsmesterskap for eintypeklassar i Hordaland og skipper Chris Skogen fekk òg utdelt KM-medaljar til seg og mannskapet.

PARTY, PARTY. Melges-klassen er i vekst på Vestlandet og mønstra sju båtar til start frå Stavanger, Haugesund og Bergen-området. Suveren vinnar og kretsmeister vart Party Girl med skipper Jens Wathne som etter ni løp måtte stryka to fyrste plassar. I denne klassen kom òg regattaens einaste generelle tilbakekalling då tre av båtane i løp nr åtte kryssa linja halvanna sekund for tidleg.

[Artikkelen fortsetter under bildet]

NUMMER 1: PARTY GIRL dominerte i Melges-klassen. [SEILfoto: Kjell Magnus Økland]

BYTTET BÅTER. Formula 18-klassen freistar å få fotfeste i Bergen-området og har etablert base i RAN Seilforening. I helgas regatta stilte to båtar til start i åtte seglasar. Mannskapa gjorde båtbyte andre dagen for å eliminera eventuelle skilnader somm fylgje av ulike båtar, men resultatet vart uansett at Trond Aarø og makker Helge Holmbek vann alle løpa nokså klart.

[Artikkelen fortsetter under bildet]

BYTTET BÅTER: De to lagene i Formula 18 byttet båter, for at ikke utstyret skulle være utslagsgivende på resultatet. [SEILfoto: Kjell Magnus Økland]

ÒG TUR & HAV. Laurdag vart det òg avvikla klubbmesterskap for T/H i Ran Seilforening. 12 båtar møtte på startlinja som var eintyperegattaen si startlinje. Båtane vart så sendt ut på eit 16 nautiske mil langt løp på faste merker i vestre del av Hjeltefjorden utanfor eintyperegattaen sitt baneområde. Diverre vart den sørlege vinden noko veikare enn meldt og to av båtane klarte ikkje å fullføra innan maksimaltida.

Klubbmeister og vinnar av Rans klart tyngste vandrepremie vart Silius (Elan 37) med skipper Toril Haugsdal.

FEST. Laurdag kveld samla seglarane seg til seglarfest i klubbhuset til Ran Seilforening. Her vart det forutan deilig koldtbord og premieutdeling for klubbmeisterskapet òg premieutdeling for tysdagsserien Hjeltefjordtrimmen som Ran Seilforening og Askøy Seilforening arrangerer saman frå mai til september. I år har 42 båtar delteke og klassevinnarar vart Ranegutt II med skipper Jan Henrik Nordeide frå Ran i klasse NOR Rating over 1,001, Silius med skipper Toril Haugsdal i klasse 0,931-1,000 og Kompis med skipper Jan Erik Iversen i klasse 0-0,930.»

INTERAKTIVT. Ran Seilforening, som arrangerte RAN Eintype Regatta benyttet seg av Sail Race System, og igjennom en løpende nyhetsoppdatering, bildegallerier og innsendte Instagram-bilder holdt de alle interesserte løpende orientert. Hele regattaen kan også gjenoppleves på regattaens nettside.

Fullstendig resultatliste.

 Kommentarer

Nyhetsbrev

Få oppdaterte nyheter om seiling helt gratis på mail to ganger i uka.

KOMMENTARER

Har du en mening om denne saken – del den med oss! Vi ber om saklighet, respekt for andres meninger og at man holder seg til emnet. Les våre retningslinjer her.  Vi modererer diskusjonen om nødvendig. Vennlig hilsen redaktør Axel Nissen-Lie.

Gå til toppen